Zweierlei Ansichten

In Parre unn in klääner Buh

gehn iewers Feld dem Städtsche zu.

Das Biebsche schnufft an äänem Stick,

dat weerd dem Parre ball se dick.

Unn ärjerlisch, ganz ohne Spaß do sehrer:

 » Junge putz dir die Nase! «

Dat Biebsche, gar nit foul,

fährt mit der Hand sich iewer Nas unn Moul,

in Griff, in Schnerr, im Graawe läids,

unn doodemit is die Nas geschnäitzt.

Do sahd de Parre :

 » Ei, Junge, das ist doch Schweinerei ! «

Do gehn se wäi’re immer zu,

die Zween in aller Seeleruh.

Uff äämool kimmd dem Parrischmann

datselwe Naseiewel ahn.

Er groomd säi Seggelduch erous

unn driggd säi Gummer doo drin ous.

Dann wickeld ehrs gemäschlich in

unn stobbd’s in säine Säckel ninn.

Doo laachd unn sehd dää Buh:

» Owei, owei, dat looh is eerschd in Souerei,

 deer Parreschläid, der säid so fäin unn machd es so,

 dehr drahd die Rotz im Säckel nooh! «